20 дақиқа ичида Ливандан Исроилга 50 дан ортиқ ракета учирилди, деб хабар бермоқда ILTV Ливан ОАВларига таяниб.
«Яқинда Исроил шимолида сиреналар янгради ва Ливан ҳудудидан 40 га яқин ракета қайд этилди, уларнинг бир қисми тутиб олинди. Қолганлари очиқ жойларга тушиб кетган», — дейилади Исроил мудофаа армияси Telegram каналида.
Бундан ташқари, Исроил ҳаво мудофааси Ливан ҳудудидан учаётган иккита дронни тутиб олди. «Сўнгги бир неча соат ичида ЦАХАЛ таҳдидни бартараф этиш учун Ливан жанубидаги бир қатор нуқталарга зарбалар берди», — деди Исроил армияси.
Al Jazeera хабарига кўра, Ливаннинг Ҳизбуллоҳ ҳаракати ўнлаб ракеталар учирилганини тасдиқлаган.
Эрон оммавий ахборот воситалари яқин 48 соат ичида Исроилдаги ҳукумат нишонларига ҳужум уюштирилиши ҳақида хабар бермоқда.
AFP Global ахборот агентлигининг хабар беришича, АҚШ Эрон ҳужумидан қўрқиб, Яқин Шарққа қўшимча кучлар юбормоқда.
Маълумот тўлдирилмоқда...
