Рус православ черкови раҳбарининг тушунтиришича, бундай ҳурмат доимо Рус православ черковининг Тожикистон ҳудудида мавжудлигига асос бўлиб келган.
Рус православ черкови раҳбарининг фикрича, Россия ва Тожикистон халқларининг маданияти мустаҳкам маънавий-ахлоқий қадриятлар, шунингдек, яхши қўшничилик ва тинчлик тамойиллари асосида қурилган. Патриарх Россия православ черкови ва мусулмон жамоатчилигининг ўзаро ҳамкорлиги икки давлат ўртасида адоват уруғини экишга уринишлар бўлаётган ҳозирда айниқса муҳим эканини таъкидлади. Дин арбоби буларнинг барчаси диний шиорлар ниқоби остида содир бўлаётганини таъкидлади.
Рус православ черкови рахбари диний етакчилар террорчиларни қоралаши ва шунинг учун имондан қурол сифатида фойдаланишга йўл қўймасликлари кераклигини таъкидлади.
22 март куни кечқурун Cроcус Cитй Ҳаллда содир бўлган терактдан сўнг Россияда мигрантларга муносабат ўзгарди. Тожикистон президенти ҳужумни «шармандали ва даҳшатли воқеа» деб атади ва ота-оналарни фарзандларининг таълим-тарбиясига эътиборни кучайтиришга чақирди.
Ўз навбатида, россиялик терговчилар терактда иштирок этганларнинг оилаларини сўроқ қилиш учун Тожикистонга борган. Шундан сўнг Вахдат шаҳрида яшовчи тўққиз нафар тожикистонлик Крокусдаги теракт ижрочиларига алоқадорликда айбланиб, ҳибсга олинди. Ҳибсга олинганлар ИШИД билан алоқада ҳам гумон қилинмоқда.
Доғистонда ҳам аксилтеррор операцияси ўтказилди, Тожикистоннинг тўрт фуқароси ҳибсга олинди. Улар ҳужумнинг асосий иштирокчиларига қурол ва пул етказиб бергани айтилади. Россия Ташқи ишлар вазирлиги Украина ҳукуматини Крокус Сити Холлга уюштирилган ҳужумда расман айблади. Украина бу айбловларни расман рад этди. Ўз навбатида, ИШИДнинг Афғонистондаги, Хуросон вилоятидаги ташкилоти ушбу ҳужум учун жавобгарликни ўз зиммасига олишини бир неча бор таъкидлаган.
