2024 йилнинг биринчи чорагида Ўзбекистонда 84,7 мингдан ортиқ енгил автомобиль ишлаб чиқарилди, дея хабар бермоқда Статистика агентлиги.
Бу 2023 йилнинг январь-март ойларига (60 414 та) нисбатан 70 фоизга кўпдир. Ишлаб чиқаришнинг асосий қисми Chevrolet Cobaltʼга тўғри келди — 28,3 мингдан ортиқ автомобиль (+59,5%).
Lacetti/Gentra ишлаб чиқариш 20,9 фоизга камайди; шу йилнинг апрель ойида ушбу моделни ишлаб чиқариш тўхтатилиши режалаштирилган эди.
Серияли ишлаб чиқариш 2023 йил февраль ойида бошланган Onix ишлаб чиқариш 559 дан 8338 донагача, Tracker — 1660 дан 12205 гача кўтарилди.
ADM Jizzakh заводида Kia ишлаб чиқариш ҳажми 4980 (ўсиш 1,5 баробар), Chery — 2990 (ўсиш 3,5 марта) га етди.
Haval ишлаб чиқариш 205 дона, Exeed — 38 тани ташкил этди.
Ихтисослаштирилган енгил автомобиллар ишлаб чиқариш ҳажми 6209 донадан 6317 донагача ошди.
