Аввалроқ ижтимоий тармоқларда ёшлар томонидан суратга олинган видео тарқалди. Унда ёш йигит қизни ечинтирмоқчи бўлади ва шу билан бирга у қаршилик кўрсатганида унинг юзига уради.
Маълум бўлишича, бу воқеа Қашқадарё вилоятининг Чироқчи тумани ҳудудида содир бўлган. Ҳуқуқ-тартибот идоралари томонидан мазкур ҳолат юзасидан жиноят иши қўзғатилиб, айбдор фуқаролар Ш.Х., Ж.М. ва А.Э. қўлга олинган.
8 апрель куни босқинчиларга нисбатан Жиноят кодексининг 25-моддаси (Жиноятга тайёргарлик кўриш ва жиноят содир этишга суиқасд қилиш) орқали 118-моддаси 1-қисми (Номусга тегиш) ва 165-моддаси 1-қисми (Товламачилик) билан жиноят иши қўзғатилган.
Ҳозирда тергов ҳаракатлари давом этмоқда.
