Хилл 5 май куни эрталаб вафот этди. У 79 ёшда эди. Актёрдан рафиқаси Марианна Хилл ва катта ўғли Габриел қолди. Унинг агенти Лоу Коулсон санъаткорнинг ўлими ҳақида эълон қилди.
Хонанда ва актриса Барбара Диксон фожиани тасдиқлади. «Мен чуқур қайғу билан Бернард Хиллнинг вафоти ҳақида хабар бераман. Биз Джон Пол, Джордж Ринго ва Берт Вилли Расселлнинг 1974-1975 йиллардаги ажойиб шоусида бирга ишлаганмиз. У ҳақиқатан ҳам ажойиб актёр эди. У билан йўлим туташгфани мен учун катта шараф эди. Борган жойинг жаннат бўлсин, Бенни», — деди Барбара.
Ўзининг ўттиз йилдан ортиқ кино фаолияти давомида актёр иккита роли билан машҳурликка эришди: «Титаник» фильмидаги капитан Эдвард Джон Смит ва «Узуклар ҳукмдори» фильм трилогиясидаги қирол Теоден. Бернард 11 та Оскарни қўлга киритган бир нечта фильмларда суратга тушган ягона актёр бўлди.
