2024 йилдан бошлаб олий ўқув юртлари, коллежлар ва техникумларга кириш имтиҳонлари «аввал тест, сўнг танлов» тамойили бўйича ўтказилади, деб хабар қилди Олий таълим ва инновациялар вазирлиги.
Вазирликда таъкидланишича, абитуриентлар тестни 1 марта топширади ва тўплаган бали билан дастлаб олийгоҳга, бали олийгоҳга етмаган тақдирда, коллеж ёки техникумга кириш учун танловда иштирок этади.
Олийгоҳларга қабул жараёни 2 босқичда бўлади, 1-босқичда абитуриент рўйхатдан ўтиб, тест фанларини танлайди; 2-босқичда абитуриент тест натижаси эълон қилингандан кейин таълим йўналиши ва шаклини танлайди.
