Қуйидаги шаҳарларга саёҳат қилишдан олдин сиз хавф-хатарларга тайёр бўлишингиз керак, чунки уларда жиноятчилик даражаси юқори.
1. Каракас. Венесуэла.
Жиноят даражаси Numbeo-92.
Шаҳар ҳар доим ўзининг қайғули статистикаси билан янгиликлардан тушмай келади. Бу ерда қотилликлар, одам ўғирлашлар ва қуролли талон-тарожлар доимий равишда содир бўлади, гиёҳванд моддалар савдоси ҳам гуллаб-яшнамоқда.
Энг хавфли ҳудуд Эль-Валле и Ла-Вега харобалари жойлашган 23 де-Енеро ҳисобланади.
Ла-Эсте эса хавфсиз ҳудуд ҳисобланади, у ерда туну-кун қўриқланадиган кўплаб турар-жой мажмуалари мавжуд.
Ташриф буюрувчилар ва саёҳатчиларга ёлғиз юрмаслик, қимматбаҳо нарсаларни олиб юрмаслик, бегоналар билан гаплашмаслик тавсия этилади.
2. Порт-О-Пренс. Ҳаити
Жиноят даражаси Numbeo-92.
2024 йил март ойида Порт-о-Пренсдаги қуролли тўдаларнинг юқори фаоллиги туфайли Ҳаитида фавқулодда ҳолат эълон қилинди. Сайёҳлик агентликлари саёҳатчилардан мамлакатга келмасликни сўрамоқда. Ҳаити ва қўшни Доминикан Республикаси ўртасидаги ҳаво, қуруқлик ва денгиз чегаралари вақтинча ёпилган.
Бу ерда тез-тез содир бўладиган бўронлар ва зилзилалар туфайли жиноятчилик даражаси юқори бўлган. Табиий офатлардан кейин одамлар уй-жой ва иш жойидан айрилди, давлат ресурсларининг этишмаслиги жиноятчиликнинг кўпайишига олиб келди.
2023 йилда жабрланганлар сони 4789 нафарни ташкил этган, улардан 465 нафари аёл, 93 нафари ўғил ва 48 нафари қиз болалар. Бу 100 минг аҳолига 40,9 қотиллик нисбати тўғри келади. Таққослаш учун, 2022 йилда мамлакатда 2183 та қотиллик қайд этилган, бу ҳар 100 000 минг 18,1 қотиллик тўғри келди деганидир. 2023 йил ҳисоботига кўра, одам ўғирлашлар сони ҳам 83 фоизга ошган.
3. Йоханнесбург. Жанубий Африка
Жиноят даражаси Numbeo-90.
Юқори ишсизлик, бойлар ва камбағаллар ўртасидаги катта тафовут, ўнлаб йиллар давомида ирқий камситиш ва заиф, адолатсиз бошқарув тизими жиноятчилик даражасининг ошишига олиб келди. Бу ерда қотиллик, қуролли талончилик, ўғирлик, фирибгарлик ва гиёҳванд моддалар савдоси содир бўлади. Шаҳар «зўравонлик бўйича дунё пойтахти» деб аталади. Ҳар йили қотилликка уринишларнинг ўртача сони тахминан 18 мингни ташкил қилади.
4. Рио-де-Жанейро. Бразилия.
Жиноят даражаси Numbeo-90.
Бу шаҳарда статистикада юқори контраст мавжуд. Рио-де-Жанейро сайёҳлар сони бўйича Бразилияда биринчи ўринда туради, шунингдек, дунёдаги энг хавфли шаҳарлар ўнталигига киради. Шаҳарда кўплаб сайёҳлик жойлари ва гўзал масканлар бор, улар бутун дунёдан одамларни ўзига жалб қилади, лекин ичкарида содир бўлган зўравонлик туфайли уларни қайтариб юборади.
7 миллионга яқин аҳоли истиқомат қиладиган пойтахтда 2021 йилда атиги 3245 киши ўлдирилган, бу 2020 йилга нисбатан 8,4 фоизга кам (3544 та қотиллик). Бундан ташқари, ушбу статистик маълумотларда фақат полиция томонидан жиноятларга қарши махсус операцияларда содир этилган қотилликлар ҳисобга олинмайди;
Умуман олганда, 2023 йилда мамлакатда 40 мингдан ортиқ бундай жиноят содир этилган.
5. Сан-Педро Сула. Гондурас.
Numbeo маълумотларига кўра жиноят даражаси 89 ни ташкил қилади.
Коррупция, заиф иқтисодиёт, юқори гиёҳванд моддалар савдоси ва ишсизлик жиноятчилик даражасининг юқори бўлишига шароит яратади. Гондураснинг иккинчи йирик шаҳри Сан-Педро-Сулада қуролли ўғирлик, ўғирлик, одам ўғирлаш ва гиёҳванд моддалар савдоси тез-тез учраб туради. Шаҳарда бир нечта жиноий гуруҳлар фаолият кўрсатмоқда — улар ҳудуд ва таъсир кучи учун курашмоқда.
Бу ерда қотилликлар сони 100 минг аҳолига 171 кишини, 100 минг кишига 169 зўравонлик ўлимини ташкил этади. Бу мамлакатнинг иккинчи йирик шаҳри. Маҳаллий қонунлар аҳолига ҳар бир киши учун 5 тагача ўқотар қуролга эга бўлиш имконини беради ва қотилликларнинг 80% дан ортиғи уларнинг ёрдами билан содир этилади.
