Нью-Деҳлидаги хусусий болалар шифохонасида ёнғин содир бўлиб, олти нафар янги туғилган чақалоқ ҳалок бўлди. Бир неча соат ичида бино бутунлай ёниб кетган. Бу ҳақда шаҳар полицияси баёнотида айтилади.
Ёнғин бошланганда бинода 12 нафар бола бўлган. Ёнғин бошланишидан олдин бир бола ҳалок бўлган. Тиббиёт муассасаси эгаси полициядан қочиб кетган. Расмийлар унга нисбатан жиноий иш қўзғатилишини маълум қилди.
Аввалроқ ёнғин қисқа туташув туфайли юз бергани тахмин қилинганди. Бироқ ҳозирда мутахассислар ёнғинга пайвандлаш аппарати учқунлари сабаб бўлган бўлиши мумкинлигини тўғрисидаги вариантни кўриб чиқмоқда.
Бино турар-жой мажмуалари ўртасида жойлашган, шу сабабли ёнғинни бартараф этиш қийин бўлган.
