Самарқанд вилоятида йўл-транспорт ҳодисаси содир бўлди, оқибатда бир қизалоқ ҳалок бўлди. Бу ҳақда вилоят ЙҲХБ матбуот хизмати хабар берди.
2 июнь куни Янгиҳаёт маҳалласида яшовчи 9-синф ўқувчиси отасининг машинасида кўчага чиқиб кетган. Йигитнинг отаси айтишича, ўғли сўрамай машина калитини олган.
Катта тезликда ҳаракатланаётган мактаб ўқувчиси йўлни кесиб ўтмоқчи бўлган қизни уриб юборган. Бола касалхонага ётқизилган, бироқ кўрсатилган тиббий ёрдамга қарамай, у вафот этган.
«Мен машинани ювганимдан кейин дадамнинг рухсатисиз олиб кетдим. Қиз олдимдан отилиб чиқди. Тормозни босдим, ишламади. Мен тенгдошларимга машина ҳайдашни маслаҳат бермайман», — деди ўқувчи интервьюсида.
Мазкур ҳолат юзасидан жиноят иши қўзғатилиб, тергов ҳаракатлари олиб борилмоқда.
