Ижтимоий тармоқларда Тошкент шаҳрининг Сергели туманидаги бинолардан бирида содир бўлган ёнғин видеоси тарқалди. Фавқулодда вазиятлар бошқармаси ёнғин автосалонда содир бўлганини маълум қилди.
Маълум бўлишича, ёнғин натижасида автосервис ва унинг ичидаги учта автомобиль ёниб кетган.
«Воқеа жойига тўртта ўт ўчириш ва қутқарув бригадаси юборилди. Соат 13:44 да ёнғин қуршаб олинди, соат 13:51 да тўлиқ ўчирилди», — дейилади хабарда.
Ёнғин сабаблари ва етказилган зарар миқдори аниқланмоқда. Қурбонлар йўқ.
