Тошкент шаҳрининг Янгиҳаёт туманида ноқонуний майнинг ферма ўрнатган хонадон аниқланди.
У Бош прокуратура ҳузуридаги департаментнинг туман бўлими ходимлари томонидан ИИБ ходимлари билан биргаликда топилган.
Текширув давомида «Чортоқ» маҳалласида яшовчи фуқаро ўз уйининг ертўласида бешта майнинг қурилмасини электр тармоғига яширинча улаб қўйгани маълум бўлди. Натижада 751,6 млн сўмлик электр энергиясидан ноқонуний фойдаланган.
Мазкур ҳолат юзасидан Жиноят кодексининг 169-моддаси (Ўғирлик) ва 278-9-моддалари (Ўз-ўзидан ноқонуний қазиб олиш фаолияти) билан жиноят иши қўзғатилган. Ҳозирда тергов ҳаракатлари олиб борилмоқда.
