Ангренда биринчи марта аҳолидан иккиламчи хомашё харид қила бошладилар. Бу ҳақда Тошкент вилояти ҳокимлиги матбуот хизмати хабар берди.
«Нурчи» маҳалласида «Зеро Wасте» хусусий корхонаси томонидан замонавий қаттиқ маиший чиқиндиларни қабул қилиш пункти ўрнатилди. Бу пунктни қуришда авваллари чиқинди ҳисобланган идиш ва шиша бутилкалардан фойдаланилган. Шунингдек, майдонга қуёш батареялари ўрнатилиб, ходимларнинг яшаши ва ишлаши учун шароит яратилган.
Январь ойида Президент қаттиқ маиший чиқиндиларни саралашни жорий этиш тўғрисида кўрсатма берган эди. Дастур Тошкент, Тошкент вилояти, Ангрен, Андижон, Бухоро ва Термиз шаҳарларини қамраб олиши керак. У 2024 йилдан 2026 йилгача кўп қаватли уйларнинг чиқинди йиғиш жойларида ишлайди.
Чиқиндилар қайта ишланадиган, қайта ишланмайдиган ва озиқ-овқат чиқиндиларига бўлинади. Фуқароларга QR-кодли махсус чиқинди қоплари бепул берилади. Халталар шаффоф, қора ва жигарранг бўлади. Қайта ишланадиган чиқиндилар чиқиндиларни йиғиш жойларида сотиб олинади:
пластик чиқиндилар (PET, HDPE, LDPE, PVC, PP ва бошқалар);
қоғоз чиқиндилари, макулатура;
қора ва рангли металлар чиқиндилари, металлолом;
шиша буюмлар ва чиқиндилар;
тўқимачилик чиқиндилари;
каучук ва каучук маҳсулотларининг чиқиндилари.
Бундан ташқари, 1 августга қадар Атроф-муҳитни муҳофаза қилиш вазирлиги корхоналарга бир қатор чиқиндиларни қайта ишлаш ёки утилизация қилиш учун «яшил субсидиялар» ажратиш тизимини жорий қилинади.
Президент Шавкат Мирзиёев чиқиндиларни бошқариш тизимини такомиллаштириш ва унинг экологик вазиятга салбий таъсирини камайтиришга қаратилган қарорни имзолаган. Қаттиқ маиший чиқиндиларни олиб чиқиш учун қарздор бўлган фуқаролар электр энергиясидан узиб қўйилади.
