24-27 июнь кунлари Чирчиқ шаҳрида ўқ отиш бўйича халқаро мусобақалар бўлиб ўтди. Мусобақада МДҲ давлатлари иштирок этди.
Мусобақа иштирокчилари уч кун давомида Макаров тўппончаси ва Калашников автоматидан ўқ отиш маҳоратини намойиш этди.
Мусобақада Россия Федерацияси, Беларусь, Қозоғистон, Қирғизистон ва Тожикистон давлатлари вакиллари иштирок этди.
Чемпионат шартларига кўра, мамлакатлар шарафи учун бир нафар аёл ва икки нафар эркак ҳарбий хизматчи куч синашди.
Мусобақанинг икки йўналиши бўйича қайд этилган умумий натижаларга кўра, Ўзбекистон жамоаси ғолибликни қўлга киритди.
Ўзбекистон – 1671 балл
Россия Федерацияси - 1644 балл
Беларусь Республикаси – 1568 балл.
