Шавкат Мирзиёев 15 июль куни давлат олий таълим муассасаларига қабул жараёнлари, олий таълим тизимида сифатни ошириш ва халқаро ўқув дастурларини татбиқ этишга оид ҳисобот билан танишди. Бу ҳақда давлат раҳбари матбуот хизмати хабар берди.
Йиғилишда янги университетлар очиш масаласи ҳам муҳокама қилинди. Улардан бири президентнинг 2023 йил центябрида АҚШга сафари чоғида эришилган келишувларни амалга ошириш доирасида ташкил этилиши режалаштирилган.
Университет Америка технологиялар университети деб номланади. ниверситетда муҳандислик, архитектура ва дизайн, ахборот технологиялари, соғлиқни сақлаш, иқтисодиёт ва молия, халқаро муносабатлар соҳалари учун кадрлар тайёрланади.
Талабалар бакалавриат ва магистратура дастурларида бир йил масофавий таълим олади. Ўқишни тугатгандан сўнг улар Аризона университети (Аризона штат университети) ёки АҚШда тан олинадиган бошқа ҳамкор университет дипломига эга бўлади.
Шунингдек, Термиз муҳандислик-технология институти ҳамда Термиз агротехнологиялар ва инновацион ривожланиш институтини бирлаштирган Термиз давлат муҳандислик ва агротехнологиялар университетини ташкил этиш режалаштирилган.
Университет негизида малакали хорижлик мутахассисларни жалб этган ҳолда илғор муҳандислик мактаби ташкил этилади. Юқори билимга эга бўлган талабалар саноат ҳамкорлари кўмагида махсус амалий дастурлар бўйича таҳсил олишлари мумкин бўлади.
Мутасаддилар 2024/2025 ўқув йили учун олий таълим муассасаларига кадрлар тайёрлаш давлат буюртмаси режаси бўйича ахборот берди. Бу йил бакалавриатда ҳам, магистратурада ҳам муҳандислик, қурилиш, табиий фанлар, математика, ахборот технологиялари йўналишларига квоталар сони оширилмоқда
