16 июль куни Тошкентда иссиқ сув қувури ёрилиб кетди. Миробод ҳокимлиги матбуот хизмати ушбу ҳолат юзасидан изоҳ берди.
Ҳодиса Миробод тумани Файзобод кўчасида гидротехника синовлари вақтида содир бўлган. Таъмирлаш бригадалари зудлик билан оқибатларини бартараф этишга киришган. Ҳодиса оқибатида ҳеч ким жабрланмаган.
20 июндан 2 августга қадар Тошкент шаҳрида иссиқлик тармоқларини гидравлик синовдан ўтказилмоқда. Ушбу синовлар давомида иситиш қувурлари шикастланиши, бу эса иссиқ сувнинг йўлларга ва йўлакларга оқиб чиқишига олиб келиши мумкин.
Ҳайдовчилар, пиёдалар ва пойтахт меҳмонларидан ушбу даврда эҳтиёт бўлиш сўралган.
