Ўзбекистонда жорий йилнинг биринчи ярмида «Транспорт воситалари ҳаракати ёки улардан фойдаланиш хавфсизлиги қоидаларини бузиш» моддаси бўйича 1600 дан ортиқ шахс судланган. Бу ҳақда Олий суд матбуот хизмати хабар берди.
Судланганларнинг умумий сонидан 551 нафари қамоқ жазосига ҳукм қилинган.
Таққослаш учун, 2023 йилда худди шу модда бўйича 3325 киши айбдор деб топилиб, судланган. Улардан 635 нафарига озодликдан маҳрум қилиш жазоси тайинланган.
