Россия Федерал хизмати томонидан тақдим этилган статистик маълумотларга кўра, 2023 йилда Россияга чет элдан жами 560,4 минг киши келган — бу ўтган йилга нисбатан 23 фоизга кам. Росстат мамлакатга келаётган халқаро мигрантлар сонининг камайиши сабаблари ҳақида маълумот тўпламайди.
Муҳожирларнинг умумий сонининг 4 фоизи Ўзбекистон ҳиссасига тўғри келади. Ташриф буюрувчиларнинг 31 фоизи Тожикистондан бўлса, иккинчи ўринда (10 фоиз) Қирғизистон фуқаролари, Украина, Арманистон ва Қозоғистон эса 9 фоизни ташкил этади.
Халқаро мигрантларнинг ярмидан кўпи (55%) эркаклар, 45% аёллардир. Уларнинг 76 фоизи меҳнатга лаёқатли ёшдагилар — 16 ёшдан пенсия ёшигача (2023 йилда аёлларда 58 ёш, эркакларда 63 ёшни ташкил этган). Қариялар 11% ни, шу жумладан юз ёшдан ошган 11 кишини ташкил қилади. Энг кенг тарқалган ёш тоифаси 20 ёшдан 24 ёшгача.
