28 июль куни Малайзия бош вазири Анвар Иброҳим 2015 йилдан бери илк бор Куала-Лумпурга ташриф буюрган Сергей Лавров билан учрашди. Иброҳим ўзининг Х ижтимоий тармоғида Лавров билан суҳбат асосан Малайзиянинг БРИКСга қўшилиш аризасига бағишланганини таъкидлади.
«Малайзия БРИКСга раислик қилаётган Россияга ташкилотга аъзо бўлиш учун ариза юборди», — деди Анвар Иброҳим (маҳаллий Bernama агентлиги унинг гапларидан иқтибос келтирган).
«[Малайзиянинг] БРИКСга потенциал аъзолиги ҳар икки мамлакат учун катта истиқболларни очади ва фаол халқаро ҳамкорликни мустаҳкамлашга содиқлигимизни таъкидлайди», — деб ёзади Малайзия бош вазири.
Учрашувда икки томонлама ҳамкорликни кенгайтириш, жумладан, сармоя ва савдо, фан-техника, қишлоқ хўжалиги, мудофаа ва ҳарбий ишлар, таълим, туризм ва маданият каби соҳалардаги алоқаларни мустаҳкамлаш йўллари ҳам муҳокама қилинди.
Сергей Лавров, ўз навбатида, Россия Малайзиянинг БРИКС билан алоқаларни мустаҳкамлашдан манфаатдорлигини қўллаб-қувватлашини айтди.
«Раис сифатида биз манфаатдорликни оширишга ёрдам берамиз», — деди Лавров.
