Транспорт инқирози олиб келиши мумкин бўлган муаммоларни бартараф этиш учун Ўзбекистонга 11 млрд доллар керак бўлади, деди Тошкент давлат транспорт университети профессори Давронбек Илёсалиев.
Аввалроқ халқаро транспорт ва логистика соҳасидаги россиялик эксперт Алексей Безбородов яқин икки йилда республика транспорт саноати инқирозга юз тутишини айтганди. Бунинг сабаби шундаки, логистика ишлаб чиқариш ўсишига мос келмайди.
Безбородовнинг сўзларига кўра, инқироз оқибатларини бартараф этиш учун 50 млрд доллар керак бўлади.
Ўзбекистонлик мутахассис Безбородовнинг фикрига қўшилди. Илёсалиев, шунингдек, вазиятга технологик тақчиллик таъсир кўрсатаётганини қўшимча қилди.
«Бу, айниқса, йиғим-терим ва юк ташишнинг энг юқори чўққисига тўғри келади. Бундай пайтларда мева-сабзавот юкларини етказиб беришда нархларнинг ошиши кузатилмоқда», — деди у.
Ўзбекистондаги назорат-ўтказиш пунктлари Қирғизистон билан солиштирганда илғор инфратузилмани намойиш этади, деди Илесалиев. Ўзбекистонда ҳам айрим назорат-ўтказиш пунктларида кутиш вақти қисқарган.
Ўзбекистонлик экспертнинг фикрича, бозорнинг ўзи омборлар билан боғлиқ муаммони тартибга солади.
