Халқаро Олимпия қўмитаси (ХОҚ) икки трансгендер спортчига 2024 йилда Парижда бўлиб ўтадиган Олимпиадада аёллар ўртасидаги бокс бўйича -57 кг бўлган вазн тоифасида иштирок этишга рухсат берди. Худди шу тоифада спортчимиз Ситора Турдибекова ҳам иштирок этмоқда.
The Guardian журналистларининг хабар беришича, Хитой Тайпейи вакили Линь Юй-тин гендер номувофиқлиги ва тестостерон даражасининг юқорилиги туфайли 2023 йилги аёллар ўртасидаги жаҳон чемпионатидан дисквалификация қилинган.
Халқаро бокс ассоциацияси (IBA) спортчининг мусобақада иштирок этишига йўл қўймаслик учун бундай сабабларни асосли деб ҳисоблаган. Бироқ Париждаги Олимпиада ўйинлари ХБА томонидан эмас, ХОҚ томонидан ташкил этилди.
«Тўлиқ кўриб чиқиш»дан сўнг ХОҚ трансгендерларнинг танловда иштирок этиши адолатнинг намоён бўлиши деб қарор қилди.
Тайпейлик боксчидан ташқари, жазоирлик трансгендер Имен Хелифга ҳам Олимпиадада қатнашишга рухсат берилди. У аллақачон италиялик боксчини мағлуб этган. Жанг 46 сония давом этди. Трансгендернинг зарбалари шунчалик кучли эдики, Анжела Карини бунга чидай олмади ва жангни тўхтатди, у шундан сўнг йиғлаб юборган.