«Тошкент-Марказий (Жанубий)» вокзалида чипталарни ўзингиз харид қилишингиз мумкин бўлган махсус автоматлаштирилган терминал ўрнатилди, деб хабар беради «Ўзтемирйўлйўловчи» АЖ матбуот хизмати.
Ушбу терминалда чипта беришда керакли маршрут, вагон ва ўриндиқ танланади. Кейин шахсий маълумотлар киритилади ва тўлов картаси ёрдамида чипта сотиб олиш якунланади.
Шунингдек, сиз терминалда йўловчи поездлари жадвали ҳақида маълумот олиш мумкин.
Ҳозирда ушбу автоматлаштирилган терминал синов режимида ишламоқда.
