16-17 октябрь кунлари Тошкентдаги «Intercontinental» меҳмонхонасида Central Asia Retail Week халқаро электрон тижорат ва чакана савдо форуми бўлиб ўтади.
Тадбир Россия Федерацияси Саноат ва савдо вазирлиги, Ўзбекистон Республикаси Инвестициялар, саноат ва савдо вазирлиги ҳамда Россия чакана савдо бозори экспертлари уюшмаси томонидан ташкил этилмоқда.
Форум чакана савдо иштирокчилари, истеъмол маҳсулотлари етказиб берувчилари ва ишлаб чиқарувчилари, чакана савдо ечимлари, маслаҳат берувчи компаниялар, тармоқ бирлашмалари ва давлат органларини бирлаштиради. Россия ва хорижий e-commerse бозорларининг 200 дан ортиқ маърузачиси ва 1500 дан зиёд иштирокчиси замонавий чакана савдони ривожлантиришнинг энг муҳим йўналишларига бағишланган стратегик сессиялар ва мунозара майдончаларида иштирок этади.
Форумда иштирок этадиган компаниялар: «Лента», «Uzum», «The Mart», «SPAR», «Светофор», «Barakat Market» ва бошқалар.
Форум иштирокчилари:
Хуррам Тешабоев, Ўзбекистон Республикаси Инвестициялар, саноат ва савдо вазирининг ўринбосари,
Никита Кузнецов, Россия саноат ва савдо вазирлигининг Ички савдони ривожлантириш департаменти директори,
Дмитрий Чистяков, «Лента» лойиҳалар портфели раҳбари,
Жаҳонгир Усмонов, ZOOD Uzbekistan директори,
Наргис Дўстматова, Ўзбекистон Финтеx уюшмаси директори,
Андрей Карпов, Россия чакана савдо бозори экспертлари уюшмаси президенти,
Илшат Хаметов, Uzum Market бошқарувчи директори,
Дмитрий Русаков, «Яндекс» электрон тижорат хизматларининг давлат ҳокимияти органлари билан ўзаро ҳамкорлиги бўйича директори,
Александр Мироничев, Baraka Market ривожлантириш бўйича директори ва бошқалар.
Тадбир бир нечта асосий бўлимларга ажратилган:
Бизнес оламининг турли жабҳаларини — HR ва франшиза, финтех ва IT, савдо маркетинги ва мода чакана савдоси ва бошқаларни қамраб олувчи 35 та сессиядан иборат бизнес дастури.
«Савдо соҳасини давлат томонидан тартибга солиш тажрибаси» мавзусидаги ялпи мунозара.
Савдо-харид биржаси, унинг доирасида маҳсулот етказиб берувчилар ва ишлаб чиқарувчилар 15 дақиқа ичида йирик чакана савдо вакиллари олдида ўз маҳсулотлари ёки ускуналарининг чакана савдо тармоқлари билан узоқ муддатли ҳамкорликка муносиб эканлигини исботлашга ҳаракат қилади.
Электрон тижорат етакчилари учун Retail Week Awards мукофотини 10 та номинацияда топшириш, улар орасида «Марказий Осиёнинг энг йирик тармоғи,» «Марказий Осиёнинг энг тез ривожланаётган тармоғи», «Чакана савдода йилнинг финтеx лойиҳаси» ва бошқалар бор. Мукофотда иштирок этиш учун рўйхатдан ўтиш 15 сентябргача давом этади.
