Республикачилар партиясидан АҚШ президентлигига номзод Дональд Трамп Россия билан яхши муносабатлар ўрнатиш керак, деб ҳисоблайди. Бу ҳақда у Пенсилваниядаги тарафдорлари олдида сўзлаган, деб хабар бермоқда «Коммерсантъ».
«Россия билан келишиш яхши, ёмон эмас. Бу ақлли қарор», — деди жаноб Трамп (ТАССдан иқтибос).
АҚШнинг собиқ президенти, шунингдек, у ва унинг жамоаси хорижда тўхтовсиз урушларга чек қўйиш ниятида эканини айтди. Улар чегаралар хавфсизлиги учун курашади, шунингдек, ҳукуматдаги коррупцияга қарши курашади ва сўз эркинлигини тиклайди.
АҚШ президенти сайлови 5 ноябрь куни бўлиб ўтади. Демократик партиядан президентлик лавозимига АҚШнинг амалдаги вице-президенти Камала Ҳаррис даъвогарлик қилади. Унинг рақиби республикачи Дональд Трамп бўлади.
