31 август куни «Очиқ бюджет» порталида 2024 йилнинг иккинчи мавсуми учун «Ташаббусли бюджет» лойиҳалари бўйича овоз бериш жараёни ниҳоясига етди.
Иқтисодиёт ва молия вазирлигининг маълумотларига кўра, Ўзбекистон аҳолиси 9,08 миллион овоз берган. Бу биринчи мавсумда берилган 11,7 миллион овоздан камроқдир. Иккала мавсум ҳам «Бир киши - бир овоз» тамойили асосида ўтказилди.
9447 та маҳалла аҳолисидан 27 474 та ташаббус келиб тушди (ўтган мавсумда 35 575 та эди). Шундан 23 318 таси маъқулланди (иккинчи мавсумда - 28 919 та).
1534 та маҳаллада жами 2,14 триллион сўмлик 1772 та лойиҳа ғолиб деб топилди. Аҳолининг иштирок этиш даражаси 25 фоизни ташкил этди.
Энг кўп овоз қуйидаги лойиҳаларга берилди: ички йўлларни қуриш ва таъмирлаш — 718 та, мактабларни таъмирлаш ва уларнинг моддий-техник базасини ривожлантириш — 418 та, тиббиёт муассасаларини таъмирлаш ва уларнинг моддий-техник базасини ривожлантириш — 283 та. Шунингдек, бошқа таълим муассасаларини таъмирлаш бўйича 69 та, кўча ёритиш тизимини ўрнатиш ёки таъмирлаш бўйича 52 та, спорт иншоотларини таъмирлаш бўйича 50 та, болалар боғчаларини таъмирлаш бўйича 42 та, ичимлик суви ва канализация тизимини яхшилаш бўйича 21 та ва бошқа лойиҳалар ҳам маъқулланди.
Ҳудудларда ғолиблар анъанавий тарзда ўз ғалабаларини мусиқа ва рақслар билан нишонлади.
