«Тошкент шаҳар сув таъминоти» матбуот хизмати хабар беришича, Тошкентнинг Бектемир ва Юнусобод туманларида ичимлик суви таъминоти вақтинча тўхтатилади.
Илгари хабар қилинганидек, пойтахтда сув қувурлари ва сув тармоқларида таъмирлаш-профилактика ишлари ҳамда куз-қиш мавсумига тайёргарлик кўриш муносабати билан бир ой давомида совуқ сув таъминотининг ўчирилиши кутилмоқда.
Шу сабабли 5 сентябрь куни соат 9:00 дан 6 сентябрь куни соат 21:00 гача қуйидаги ҳудудларда сув бўлмайди:
Бектемир тумани: «Миришкор», «Роҳат», «Мажнунтол», «Зилола», «Иқбол», «Чашма», «Йиқ ота», «Абай», «Гулбоғ», «Ҳусайн Бойқаро», «Бектемир», «Олтинтопган», «Соҳил», «Мусаффо» маҳаллалари, тумандаги «Водник» қозонхонаси.
Юнусобод тумани: «Исломобод», «Ҳасанбой», «Шарқ ҳақиқати» маҳаллалари.
Бир ой давомида ичимлик суви таъминоти вақтинча тўхтатиладиган манзиллар рўйхати билан ҳавола орқали танишиб чиқиш мумкин.
