Сентябрь ойи бошида Қирғизистон Бош прокуратураси экстремистик ва террористик ташкилотларнинг янгиланган рўйхатини эълон қилди, ундан «Толибон» ҳаракати номи йўқолди.
Бироқ мамлакат Дин ишлари бўйича давлат қўмитаси порталида гуруҳ «бузғунчи, экстремистик ва террористик ташкилотлар» рўйхатига киритилган.
Афғонистон Ислом Амирлиги Ташқи ишлар вазирлиги Қирғизистон Республикасининг илгари Афғонистон Ислом Амирлиги билан боғлиқ бўлган «Толибон» ҳаракатининг номини тақиқланган гуруҳлар рўйхатидан чиқариш қарорини юқори баҳолади.
Шунингдек, ТИВ «бошқа давлатлар ҳаракатларига мувофиқ Қирғизистон томонидан амалга оширилган қадам Афғонистон Ислом Амирлигининг ҳам минтақавий, ҳам халқаро миқёсда тобора кучайиб бораётган сиёсий эътирофини англатади,» дея таъкидлади.
Қирғизистоннинг «Толибон» ҳаракати номини тақиқланган гуруҳлар рўйхатидан чиқариши Афғонистон Ислом Амирлиги ва бошқа давлатлар ўртасидаги икки томонлама муносабатларни мустаҳкамлашдаги тўсиқларни бартараф этади.
2024 йил июнь ойида Қозоғистон «Толибон»ни террорчилар рўйхатидан чиқарди. Мамлакат президенти Қосим-Жўмарт Тўқаевнинг тушунтиришича, бу «замонавий Афғонистон билан савдо-иқтисодий ҳамкорликни ривожлантириш муҳимлигини ҳисобга олган ҳолда ва ушбу режим узоқ муддатли омил эканлигини тушунган ҳолда» амалга оширилган.
