Жанубий Африка Республикасида (ЖАР) кучли қор ёғиб, Йоханнесбург ва Дурбан шаҳарлари ўртасидаги йўлда ҳаракатни тўхтатди. Бу ҳақда France 24 нашри хабар берди.
«Жанубий Африкада қор ёғмоқда. Шарқий Кап, Квазулу-Наталь, Озод Давлат ва Гаутенг вилоятларида қор ёғиши кузатилмоқда», — дейилади хабарда Жанубий Африка манбаларига таяниб.
Қор қопламининг баландлиги баъзи жойларда икки метрга етган. Журналистларнинг маълумотига кўра, об-ҳаво ёмон бўлган ҳудудлардаги автомагистралларда авария хизматлари ишламоқда.
Юк машиналари ҳайдовчилари 13 соатдан ортиқ вақтдан бери тўсиб қўйилган, уларга кўрпа-тўшак ва озиқ-овқат етказиб берилмоқда.
«Биз қорни кўрганимиздан бери кўп йиллар ўтди», — дейди маҳаллий аҳоли журналистларга.
