23 сентябрь, душанба куни олтин қуймалари ва эсдалик тангалари нархи янги максимал даражага етди. Бу ҳақда Марказий банк хабар берди.
Бир грамм олтин ҳозир 1 108 980 сўм ёки ўтган жумага нисбатан 1,5 фоизга қиммат. Беш грамм қуйма учун 5 545 000 сўм таклиф этилади.
Центябр ойи бошидан буён маҳаллий бозорда қимматбаҳо металлнинг чакана нархи максимал тўртинчи марта янгиланмоқда. Тўққиз ойдан камроқ вақт ичида у 30,8% га ўсди.
Марказий банк 2018 йилда аҳолига тилла тангалар сотишни бошлаган бўлса, икки йилдан сўнг уларга олтин қуймалар қўшилди. Жисмоний харидорларга уларни шартларга риоя қилган ҳолда Ўзбекистондан олиб чиқишга рухсат берилди.
Ушбу қадамлар Ўзбекистон иқтисодиётининг хорижий валютага қарамлигини камайтириш истаги билан изоҳланди. Бундан ташқари, экспертларнинг фикрига кўра, олтинга кириш инвестициялар учун имкониятларни кенгайтиради ва жамғармаларни хавфсизлаштиришга ёрдам беради.
