45-Бутунжаҳон шахмат олимпиадаси якуни бўйича Ўзбекистон эркаклар терма жамоаси бронза медалини қўлга киритди, деб хабар берди Миллий олимпия қўмитаси.
Олимпиада олтин медали Ҳиндистон эркаклар терма жамоасига, кумуш медаль эса америкалик шахматчиларга насиб этди.
Ўзбекистон аёллар терма жамоасига келсак, улар 12-ўринни эгаллади.
Яккалик баҳсларда Нодирбек Абдусатторов ва Нодира Нодиржонова кумуш, Шамсиддин Воҳидов олтин медални қўлга киритди.
Қўмита Ўзбекистон терма жамоаси кетма-кет иккинчи марта Олимпия медалларини қўлга киритаётганини таъкидлади. Икки йил олдин терма жамоа чемпион бўлганди.
