23 сентябрь куни Тошкент шаҳрининг Шайхонтоҳур тумани ҳокими лавозимида ишлаб келган Ботир Зоҳидов камбағалликни қисқартириш ва бандлик вазири лавозимига тайинлангани маълум бўлди. Тайинлов Олий Мажлис Қонунчилик палатаси томонидан маъқулланган.
Илгари Зоҳидовнинг биринчи ўринбосари лавозимида ишлаган Исомиддин Сайритдинов Шайхонтоҳур тумани ҳокими лавозимини вақтинча эгаллайди. Бу ҳақда пойтахт ҳокимлиги «Взгляд.uz»га маълум қилди. Таъкидлаш жоизки, у туман Иқтисодий тараққиёт ва камбағалликни қисқартириш бошқармасига раҳбарлик қилган.
Исомиддин Сайриддинов 1995 йилда Сурхондарё вилоятида туғилган. Тошкент молия институтини тамомлаган. У ҳокимликка келгунга қадар Шайхонтоҳур тумани иқтисодиёт ва молия бошқармаси бошлиғи лавозимида фаолият юритган.
Эслатиб ўтамиз, Беҳзод Мусаев Ташқи меҳнат миграцияси агентлигининг янги раҳбари этиб тайинланди. Идоранинг ўзи Бандлик вазирлиги тузилмасидан Вазирлар Маҳкамасига бевосита бўйсунади.
