Ўзбекистонда ипотека кредити учун давлат субсидиясини олиш учун аризаларни қабул қилишнинг иккинчи босқичи бошланди.
Ариза берувчиларнинг даромадларини ҳисобга олиш тартибига ижтимоий мезонларни ҳисобга олган ҳолда қўшимча ва ўзгартиришлар киритилади. Энди ариза берувчининг хоҳишига кўра унинг даромадига яқин қариндошларининг даромадларини киритиш мумкин бўлади.
Ариза бериш учун Давлат хизматлари марказларига бевосита мурожаат қилиш ёки мустақил равишда Ягона интерактив давлат хизматлари портали my.gov.uz орқали мурожаат қилиш мумкин.
Хизматга ҳавола орқали кириш мумкин. Уларни кўриб чиқиш муддати 19 кунни ташкил этади.
2024 йилда жами 2,36 триллион сўмлик 27 мингта субсидия ажратилиши режалаштирилган. Субсидиялар ажратилаётган кредитнинг 15 фоизи миқдоридаги бошланғич бадалнинг бир қисмини қоплашга ва кредит муддатининг дастлабки беш йили мобайнида фоиз тўловларининг 12 фоиздан ошган қисмини қоплашга йўналтирилади.
Бирламчи бозорда квартиралар сотиб олиш учун ажратилган ипотека кредитлари бўйича бошланғич бадалнинг бир қисмини қоплаш учун субсидиялар қатъий белгиланган миқдорда — 30 млн сўм миқдорида тўланади.
Расмий даромадга эга бўлмаган шахслар ҳам ипотека кредитларини расмийлаштириш ҳуқуқига эга бўлди. Жорий йилнинг биринчи ярмида ипотека кредитларининг 22 фоизини норасмий даромадга эга бўлган шахслар олган.
