Ўзбекистон президенти Шавкат Мирзиёев республикада қурилиш соҳасини ривожлантириш бўйича ўтказилган йиғилишда кам таъминланган оилалар учун қўшимча 50 минг гектар ер ажратиш таклифини билдирди.
Ер участкалари берилишига Қишлоқ хўжалиги вазирлиги ва ҳудудий ҳокимликлар масъул бўлади. Бу чора 200 мингга яқин кам таъминланган оилаларни камбағалликдан чиқаришга ёрдам бериши кутилмоқда.
Шунингдек, давлатимиз раҳбари бутун Ўзбекистон бўйлаб саноат боғларини ривожлантириш муҳимлигини таъкидлади. Бунинг учун ўзбекистонликларга беш йил муддатга лизингга бериладиган «ипотека боғлари» ташкил этилиши режалаштирилган.
Боғ барпо этишдан манфаатдор бўлган тадбиркорлар кредит ва тайёр лойиҳани ер билан бирга олишлари мумкин бўлади. 2024 йил якунига қадар мамлакатимизда 14 минг гектар, келгуси йилда эса 29 минг гектар майдонда боғ ва токзорлар барпо этиш режалаштирилган.
