Тошкентда жаҳонга машҳур Ferrari, Lamborghini, Bugatti, Aston Martin ва Overfinch компаниялари дилерлик марказларининг тантанали очилиш маросими бўлиб ўтди.
Ушбу тадбир шарафига автомобиль ишқибозлари, тадбиркорлар ва таниқли шахсларни бирлаштирган эксклюзив гала-оқшом ташкил этилди. Меҳмонларга ҳашаматли автомобилларнинг янги моделлари тақдим этилди ва уларнинг ўзига хос хусусиятлари ҳақида сўзлаб берилди
Таъкидланганидек, ушбу дилерлик марказларининг очилиши Ўзбекистонда ҳашаматли автомобилларга қизиқиш ортиб бораётганидан далолат беради ва Тошкентнинг халқаро автомобиль майдонидаги ўрнини мустаҳкамлайди.
Дастлабки маълумотларга кўра, Тошкентда Ferrari Purosangue премиум автомобили тахминан 1 миллион доллар, Overfinch тюнинг марказидан тюнинг қилинган Range Rover Sport эса тахминан 500-600 минг доллар туради.
