Инвесторларга тақдим этилган ҳисобот маълумотларига кўра, жорий йил охирига келиб ChatGPT обунаси нархи жорий 20 доллардан 22 долларгача кўтарилади ва 2029 йилга келиб ойига 44 долларни ташкил этади.
Шунингдек, келгуси ҳафтада OpenAI 7 миллиард доллар жалб қилиш мақсадида янги молиялаштириш раундини ўтказишни режалаштирмоқда, бу унинг бозор қийматини 150 миллиард долларгача ошириши мумкин, деб хабар беради The New York Times.
Компаниянинг асосий ўсиши ChatGPTнинг машҳурлиги билан таъминланган — жорий йилнинг июн ойи ҳолатига кўра, хизматдан 350 миллионга яқин киши фойдаланган, бу март ойига нисбатан 3,5 баравар кўп. 2024 йилда компания даромади 2,7 миллиард долларга етиши кутилмоқда, бироқ у 5 миллиард долларлик зарарни прогноз қилмоқда.
