Аёлларга армияда хизмат қилиш ҳуқуқини бериш керак, деди «Миллий тикланиш» партияси раҳбари Алишер Қодиров МЙ5 телеканалида бўлиб ўтган сайловолди мунозараларида.
«Ватан ҳимояси масалаларида «эркак» ёки «аёл» тушунчалари йўқ. Бу миллий қадриятларга зид эмас», — деди Қодиров.
Аввалроқ партия арбоби олий маълумот олишни хоҳламайдиган барча эркакларни армияга чақиришни таклиф қилган эди. У бу ғояни ёшларни ҳарбий-ватанпарварлик руҳида тайёрлаш қадриятлари билан асослаган.
