Ижтимоий тармоқларда Жаҳон иқтисодиёти ва дипломатия университетининг биринчи курс талабаси ҳуқуқ-тартибот идоралари вакиллари билан гиёҳвандликка қарши кураш мавзусида ўтказилган учрашувда айтган сўзлари учун узр сўрагани акс этган видео тарқалди.
Маълум қилинишича, талаба ўрнидан туриб, Ўзбекистонда гиёҳвандликдан ҳам муҳимроқ муаммолар борлигини айтган.
«Масалан, сув танқислиги, нотўғри овқатланиш, Орол денгизи. Лекин нима учун биз 5 синфдан бошлаб фақат гиёҳвандликка қарши курашамиз? Қачон глобалроқ муаммолар ҳақида гапира бошлаймиз?» — деди биринчи курс талабаси.
Йигит, шунингдек, маърузачилар жуда зерикарли чиқиш қилганидан шикоят қилди ва ёшлар тилида муаммолар ҳақида сўзлаб берадиган мутахассислар келишини сўради.
Бунинг учун талабани «суҳбат» га чақиришди ва камерадан узр сўрашга мажбур қилишди.
Пойтахт ИИББ Vzglyad.uz сўровига кўра, «уни ҳеч ким ҳеч нарса қилишга мажбурламаган». Агар бу талаба норози бўлса, у ҳуқуқ-тартибот идоралари ходимлари хатти-ҳаракатлари устидан шикоят қилиш ҳуқуқига эга.
Таҳририят университетдан изоҳ олишга уринди, аммо муассаса билан боғлана олмади.
