Самарқандда архитектура-қурилиш институти ёниб кетди - видео

O‘zbekiston

Самарқанд архитектура-қурилиш университети ҳудудида ёнғин содир бўлди. Ёнғин сабабларини ўрганиш бошланди.

Самарқанд давлат архитектура-қурилиш институти ҳудудида ёнғин содир бўлди, деб хабар бермоқда вилоят Фавқулодда вазиятлар бошқармаси матбуот хизмати.

Маълумотларга кўра, ёнғин 1 октябрь куни соат 23:45 да қурилаётган мажлислар залида содир бўлган. Ҳодиса жойига 6 та ёнғин-қутқарув экипажи жўнатилган. Улар соат 23:54 да етиб келишди. Олов соат 00:30 да ўчирилди.

«Ёнғин қурилиш материалларига зарар етказган. Жабрланганлар йўқ. Ёнғин сабабларини ўрганиш бошланди», — дейилади хабарда.

Эслатиб ўтамиз, бир кун аввал Тошкент давлат аграр университети биноларида кучли ёнғин содир бўлганди. Уни ўчириш икки соатча давом этди. Ёнғин сабаблари ҳозирча номаълум.

Muhim yangiliklarni oʻtkazib yubormang!

Asosiy voqealardan birinchi boʻlib xabar topish uchun Telegram kanalimizga obuna boʻling.