2 октябрь куни соат 20:00 атрофида 37 ёшли юк машинаси ҳайдовчиси Тошкент вилояти Пискент туманидаги "Нурафшон - Пискент" автомобиль йўлининг 12-километрида жойлашган кўприкдан ўтиб кетаётган вақтида иншоот бардош беролмай, қулаб тушган, деб хабар беради вилоят ИИББ ЙҲХБ матбуот хизмати.
Ҳодиса содир бўлган пайтда кўприкда ҳеч ким бўлмаган, ҳайдовчи эса тан жароҳати олмаган.
Ҳолат юзасидан тегишли идоралар томонидан суриштирув ишлари олиб борилиб, хавфсизлик чоралари кўрилган.
Автомобиль йўллари қўмитасининг маълум қилишича, Пискентдаги кўприк 8 тоннагача юк кўтаришга мўлжалланган, қум ортилган юк машинаси 100 тоннадан ортиқ бўлган, ҳайдовчи йўл белгиларига қарамай, йўлдан кетиб қолган, кўприкнинг қозиқлари дош беролмаган ва конструкция қулаган.
Қўмита йўл белгиларига эътибор қаратиш ва оғирлик лимитларига риоя қилишга чақирди.Қўмита йўл белгиларига эътибор қаратиш ва оғирлик лимитларига риоя қилишга чақирди.
