Ижтимоий тармоқларда 2024 йил октябрь ойидан бошлаб пенсияларнинг янги оширилиши ҳақида маълумот тарқалди. Пенсия жамғармаси ушбу маълумотни рад этди.
Маълумки, Ўзбекистон Республикаси Президентининг 2024 йил 12 августдаги Фармонига мувофиқ, пенсиялар миқдори жорий йилнинг 1 сентябридан 15 фоизга оширилди.
«Ушбу фармон ижросини таъминлаш мақсадида Пенсия жамғармаси сентябрь ойидан бошлаб пенсионерларга оширилган миқдорда пенсия маблағларини тўлаб келмоқда», — дейилади хабарда.
«Октябрь ойидан бошлаб нафақалар оширилди» каби хабарлар ёлғон ва асоссиз, дейилади хабарда.
«Фуқаролардан турли ёлғон ва норасмий хабарларга ишонмасликни сўраймиз», — дейилади Пенсия жамғармаси хабарида.
