Шавкат Умурзоқов Ўзбекистон шахмат федерацияси Тошкент шаҳар бўлими раиси этиб тайинланди.
2 октябрь куни Тошкент шаҳар спорт бошқармаси мутасаддилари, пойтахтдаги спорт мактаблари раҳбарлари, шахмат бўйича тренер-экспертлар иштирокида йиғилиш бўлиб ўтди.
Унда пойтахтимизда шахмат мактабларини ташкил этиш ва ривожлантириш, ёшлар ўртасида шахматга қизиқишни ошириш масалалари муҳокама қилинди.
Бундан ташқари, учрашувда ташкилий масала муҳокама қилиниб, ҳозирда Тошкент шаҳар ҳокими вазифасини бажарувчи Шавкат Умурзоқов Ўзбекистон шахмат федерацияси Тошкент шаҳар бўлими раиси этиб сайланди.
Бир вақтнинг ўзида Федерациянинг Тошкент шаҳар бўлими раисининг ўринбосарлари, ижрочи директори ва котиби сайланди.
