4 октябрга ўтар кечаси Байрутда Исроил ҳарбийлари томонидан уюштирилган ҳаво ҳужуми натижасида Ҳасан Насруллонинг ўттиз йилдан ортиқ вақт давомида «Ҳизбуллоҳ»га раҳбарлик қилган ўринбосари бўлиши керак бўлган Ҳошим Сафий ад-Дин ҳалок бўлди. Бу ҳақда «Ал-Арабиа» телеканали ўз манбаларига таяниб хабар бермоқда.
Reuters хабарига кўра, Сафий ад-Дин билан алоқа жума куни узилиб қолган, ЦАХАЛнинг Ливан пойтахтига давом этаётган ҳужумлари эса «Ҳизбуллоҳ»нинг янги раҳбари яширинган жойда қидирув ишларини олиб боришга имкон бермаяпти.
Ливан хавфсизлик хизмати вакили Sky News Arabia каналига Исроил ҳужуми жойида омон қолганларни топиш имконияти деярли нолга тенглигини айтди. Маълумотларга кўра, Сафий ад-Дин қароргоҳига ҳужум пайтида у ерда Ҳизбуллоҳнинг юқори мартабали аъзолари учрашуви бўлиб ўтган.
Эслатиб ўтамиз, 27 сентябрь куни кечқурун Исроил армиясининг Байрутга уюштирган ҳаво ҳужуми натижасида «Ҳизбуллоҳ»ни 30 йилдан ортиқ бошқарган Ҳасан Насруллоҳ ўлдирилди. «Ал-Арабия» телеканали маълумотига кўра, «Ҳизбуллоҳ» раҳбари лавозимида унинг вориси Насроланинг амакиваччаси ва ҳаракат ижроия кенгаши раиси Ҳошим Сафий ад-Дин бўлган.
Ҳошимнинг ўғли Сафи ад-Дин Ислом инқилоби қўриқчилари корпусининг собиқ қўмондони Қосим Сулаймонийнинг қизи Зайнаб Сулаймонига уйланган. Қосим Сулаймоний 2020 йилда Ироқда Америка ҳаво ҳужуми натижасида ҳалок бўлган.
