Frontier Airlines авиакомпаниясининг йўловчи самолёти Лас-Вегасдаги Гарри Рид халқаро аЭропортига қўнаётганда ёниб кетди, деб хабар бермоқда CBS News телеканали.
«Frontier Airlines 1326 рейси қийин қўнишни амалга оширди. Кларк округи ўт ўчириш бўлими тезда воқеа жойига етиб келди ва барча йўловчилар ва экипаж хавфсиз ҳудудга муваффақиятли эвакуация қилинди», — деди аэропорт вакили.
1326 рейс Сан-Диегодан ПТ 13:51 да жўнаб кетди ва Лас-Вегасга 15:37 да қўнди.
«Учувчилар тутунни пайқаб, фавқулодда ҳолат эълон қилишди. Самолёт хавфсиз қўнди, барча йўловчилар ва экипаж эвакуация қилинди. Йўловчилар автобусда терминалга етказилган. Ҳодиса сабаблари ҳозирда ўрганилмоқда», — дея тасдиқлади авиакомпания вакили телеканалга.
