Xalq nazorati портали 2024 йил 6 октябрь ҳолатига тўпланган маълумотларга кўра, Тошкент шаҳри туманларининг фуқаролар мурожаатлари билан ишлаш бўйича долзарб статистик маълумотларни эълон қилди. Маълумотлар шаҳар муаммоларини ҳал қилишда ижобий динамикани ҳам, оғриқли нуқталарнинг сақланиб қолаётганини ҳам кўрсатади.
Ўтган ҳафта давомида пойтахт аҳолиси 52 176 та мурожаат йўллади, бу аввалги ҳафтага нисбатан 2 мингтага кўпдир. Аҳоли асосан ободонлаштириш масалалари бўйича мурожаат қилган. Жами мурожаатларнинг 41 138 таси ижобий ечимга эга бўлди. 1 минг 239 та мурожаат кўриб чиқиш босқичида бўлиб, 3 минг 425 та мурожаатни кўриб чиқиш муддати ўтказиб юборилган. Ўтган йиллардан буён яна 510 та мурожаат ўз ечимини кутмоқда. Платформа модераторлари томонидан 4 мингдан ортиқ мурожаатлар рад этилди.
Етакчи учликка Учтепа, Бектемир ва Шайхонтоҳур туманлари кирди, улар фуқароларнинг мурожаатларига тезкор ва сифатли жавоб бермоқда.
Рейтингнинг сўнгги қаторини Юнусобод тумани эгаллаб турибди. Ушбу туман «аҳоли норозилиги»нинг энг юқори даражасини намойиш этади - 11%, бошқа туманларда эса бу кўрсаткич 3% дан ошмайди. Таъкидлаш жоизки, «аҳоли норозилиги» кўрсаткичи модераторлар томонидан тасдиқланиши ёки рад этилишини кутаётган мурожаатлар бўйича рад этишлар сонини акс эттиради.
Шунингдек, фуқаролар мурожаатларига қўшиб ёзиш бўйича Юнусобод тумани етакчилик қилиб, умумий жавобларнинг деярли 14 фоизига етган. Мурожаатлар ва қониқарсиз жавобларнинг юқори даражаси ушбу туманни аҳоли билан ўзаро ҳамкорлик нуқтаи назаридан энг муаммоли қилади.
Охирги ҳафтада Яшнобод тумани Чилонзор туманини ортда қолдириб, рейтинг охиридан рўйхатнинг ўртасига кўтарилди.
Шунингдек, Яшнобод тумани келиб тушган мурожаатлар сони бўйича Мирзо Улуғбек тумани билан биргаликда иккинчи ва учинчи ўринларни эгаллаб турибди.
Эътиборлиси, Янгиҳаёт туманида жавобларнинг умумий сонидан атиги учта ёзув қайд этилган.
Мурожаатлар мавзуси таҳлили шуни кўрсатадики, энг кўп шикоят — 16 мингдан ортиқ - Ободонлаштириш бошқармасига қаратилган. Тез-тез тилга олинадиган ташкилотлар қаторига ХУМШ, РЕС ва ТошЕТК киради. Мурожаатлар сонига кўра, иссиқ сув таъминоти билан боғлиқ муаммолар пойтахт аҳолисини совуқ сув билан боғлиқ узилишлардан кўра кўпроқ ташвишга солмоқда: «Сувтамъинот»га 2,2 минг, Veolia Energy'га эса қарийб 2,9 минг мурожаат келиб тушган.
Тошкент аҳолиси ижтимоий тармоқларда юзага келган вазиятни фаол муҳокама қилиб, Юнусобод туманининг доимий равишда аутсайдерлар қаторида эканлигидан хавотир билдирмоқда ва туманнинг ҳозирги раҳбари лавозимда қолиши мақсадга мувофиқми, деган савол билан мурожаат қилмоқда.
