Аввалроқ Когон туманида йўловчи автобус ва юк машинаси иштирокида ЙТҲ содир бўлганди. Жиноят ишлари бўйича Когон туман суди ишни кўриб чиқиб, ҳукм чиқарди [таҳририят ихтиёрида мавжуд].
Эслатиб ўтамиз, 18 март куни Когон туманидаги 5-ихтисослаштирилган мактабнинг 27 нафар ўқувчисини вилоят театрига олиб кетаётган автобус йўл ҳаракати қоидаларини қўпол равишда бузган. Ҳайдовчи светофор ишламай турган чорраҳадан бошқа транспорт воситаларига йўл бермасдан юқори тезликда ўтишга ҳаракат қилган. Оқибатда автобусга бетонқорғич урилган ва у ағдарилиб кетган. Оқибатда икки нафар ўқувчи - бир ўғил ва бир қиз ҳалок бўлган.
Суд автобус ҳайдовчисини Жиноят кодексининг 266 моддаси 3-қисми «а» бандида назарда тутилган жиноятни содир этганликда айбдор деб топди. Унга 3 йил муддатга транспорт воситаларини бошқариш ҳуқуқидан маҳрум қилиб, 9 йил озодликдан маҳрум қилиш жазоси тайинланди. Шунингдек, эркак икки нафар ўқувчига 10 млн сўмдан ва шикастланган юк машинасини ташувчи компанияга 61,5 млн сўмдан тўлаши керак.
