Шавкат Мирзиёев 8 октябрь куни Мустақил Давлатлар Ҳамдўстлиги давлат раҳбарлари кенгашининг навбатдаги йиғилишида иштирок этди, деб хабар берди давлатимиз раҳбари матбуот хизмати.
Шавкат Мирзиёев ўз нутқида Россиянинг Ҳамдўстликдаги раислиги натижаларини юксак баҳолаб, ушбу даврда кўп томонлама ҳамкорлик барча йўналишларда ривожланди.
Саммит якунида МДҲ давлат раҳбарлари кенгаши Ўзбекистон Президенти Шавкат Мирзиёев томонидан таклиф этилган 2025−2027 йилларга мўлжалланган Радикаллашувдан чиқариш соҳасида ҳамкорлик дастурини қабул қилди.
"«Биз бугун қабул қилаётган, Ўзбекистон президенти Шавкат Миромонович Мирзиёев ташаббуси билан тайёрланган радикаллашувдан чиқариш соҳасидаги ҳамкорлик дастурини таъкидлашни истардим», — деди Ҳамдўстлик давлат раҳбарлари кенгаши йиғилишида Россия Президенти Владимир Путин.
Дастурнинг мақсади — экстремистлик ва радикалнинг қонунийлаштирилишига йўл қўймаслик. Бундан ташқари, конфессиялар ўртасида мулоқот ўрнатишга кўмаклашиш режалаштирилган.
Шавкат Мирзиёев МДҲ мамлакатлари махсус хизматлари ва ваколатли идораларининг тизимли ҳамкорлигини йўлга қўйиш, замонавий таҳдидларга қарши курашиш усулларини такомиллаштириш, киберхавфсизликни таъминлаш соҳасида келишилган чоралар кўриш муҳимлигини таъкидлади.
У келгуси йил баҳор ойида Тошкентда бўлиб ўтадиган «Иннопром» халқаро саноат кўргазмаси доирасида МДҲ Иқтисодий кенгашининг йиғилиши ва Инновацион ривожланиш форумини ўтказиш таклифини билдирди.
Президентимиз яқинда МДҲ мамлакатлари етакчи таҳлил марказларининг Тошкент конференцияси якунларини инобатга олиб, узоқ муддатли шерикликнинг янги устувор йўналишларини қўллаб-қувватлаш муҳимлигини таъкидлади.
