Туркманистон 2023 йил учун «Аёллар тинчлиги ва хавфсизлиги индекси» ҳисоботида 177 та ўриндан 58 ўринни эгаллади. Бу Марказий Осиё давлатлари орасида энг яхши кўрсаткичдир.
Қозоғистон — 70 ўринни, Тожикистон — 90 ўринни, Ўзбекистон — 94 ўринни, Қирғизистон — 95 ўринни эгаллади. Рейтингнинг дастлабки уч поғонасидан Дания, Швейсария ва Швеция жой олган. Охиридан биринчи учлик Афғонистон, Яман ва Марказий Африка Республикаси. АҚШ — 37 ўринда, Россия — 56 ўринда.
Туркманистон Марказий ва Шарқий Европа ва Марказий Осиё минтақасида аёлларнинг одил судловдан фойдаланиш имконияти бўйича охирги ўринни эгаллади.
Туркманистон дунёдаги энг ёпиқ давлатлардан бири бўлиб, расмий ОАВ бу ерда содир бўлган воқеалар ҳақида жиноий маълумотлар ва хабарларни эълон қилмайди. Шунга кўра, рейтинг муаллифлари аёлларга қарши жиноятлар бўйича ҳеч қандай статистикани топа олмадилар. Бундан ташқари, мамлакатда оиладаги зўравонлик ҳақида гапириш уят ҳисобланади, шунинг учун кўплаб ҳолатлар ҳуқуқни муҳофаза қилиш органлари эътиборига ҳам етмайди.
