Ўзбекистоннинг шимолий ҳудудларига 13 октябрда, мамлакатнинг қолган ҳудудларига 14−17 октябрда совуқ ва нам ҳаво массалари кириб келади, деб хабар берди Ўзгидромет директори Шерзодхўжа Ҳабибуллахўжа ўзининг Фаcебоокъдаги саҳифасида.
13−17 октябрда ҳаво ҳарорати кечалари +3...+8 даражагача, республика шимолида баъзи жойларда 0...-2 даражагача, кундуз кунлари +13...+18 даражагача аста-секин пасаяди.
13−15 октябрда Ўзбекистон бўйича баъзи жойларда ёмғир ёғади, тоғолди ва тоғли ҳудудларда баъзи жойларда кучли, баланд тоғларда қорга айланиши мумкин.
Аввал хабар қилинганидек, тоғли ҳудудларда ёмғир ёғиши сабабли сел келиши хавфи мавжуд бўлиб, ёмғир сувининг тўпланиши ҳудудларни сув босишига олиб келиши мумкин.
