2025 йилдан бошлаб Москвада чет эл фуқароларига электрон гувоҳномалар бериш бошланади. Улар ёрдамида инсон ҳақидаги барча долзарб маълумотларни олиш мумкин бўлади. Бу ҳақда Москва мери Сергей Собянин ТАСС билан суҳбатда маълум қилди. Тажриба федерал қонун асосида ўтказилади.
Ушбу гувоҳнома текшириш учун асосий ҳужжат бўлиб хизмат қилади. Агар унга нимадир тўғри келмаса, полициячи тегишли чоралар кўришга мажбур бўлади.
«Хорижий фуқаронинг электрон гувоҳномасига барча маълумотлар: келган санаси, биометрик маълумотлари, иш жойи, прописка ва рўйхатдан ўтганлиги юкланади. Полицияда рейдлар пайтида ушбу маълумотларни текширишга имкон берадиган махсус қурилма бўлади», — деди у.
Сергей Собянин, шунингдек, 2025 йилдан бошлаб Москва авиация узелида эксперимент доирасида Россияга кириш учун виза талаб қилинмайдиган хорижликлар учун биометрик назорат жорий этилишини маълум қилди.
«Визасиз мамлакатлардан келган фуқаролар Москвага киришда биометрик назоратдан ўтказилади — суратга олиш ва бармоқ изларини сканерлаш. Бунинг учун бундай тажрибани ўтказишга имкон берадиган федерал қонун қабул қилинди», — дея аниқлик киритди шаҳар ҳокими.
Унинг сўзларига кўра, Россияга келган барча шахсларнинг биометрик маълумотлар базасининг мавжудлиги жиноятларнинг очилишига имкон беради.
