Чекларга тузатиш киритиш, декларацияларни топшириш ва бошқа электрон солиқ хизматлари бешинчи ноябрь оқшомигача ишламайди, деб огоҳлантирди Солиқ қўмитаси.
Маълумотлар янги серверларга кўчирилиши сабабли қўмита онлайн хизматларининг ишлаши чекланади.
Онлайн-НКТ чекларига тузатиш киритиш бўйича чекловлар 30 октябрь соат 18:30 дан кучга кирди. Солиқларни тўлаш ва қарздорлик тўғрисида маълумотнома олиш бўйича электрон хизматлар 31 октябрь соат 23:00 дан бошлаб ишламайди.
Барча хизматларнинг ишлаши бешинчи ноябрь соат 23:59 дан кечиктирмай тикланишини ваъда қилишади.
