Андижон вилояти ҳокимининг собиқ ўринбосари Ботиржон Ҳамроев бюджет маблағларини талон-торож қилишда гумонланувчи сифатида ушланган. Бу ҳақда Kun.uz ўз манбасига таяниб хабар бермоқда.
Маълумотларга кўра, Ҳамраев бюджетни талон-торож қилиш, мансаб ваколати доирасидан четга чиқиш ва бошқа номаълум жиноятларни тергов қилиш доирасида қўлга олинган.
Ҳозирда Ботиржон Ҳамроевга нисбатан тергов ҳаракатлари олиб борилмоқда.
Дастлаб бир қатор янгиликлар нашрлари, жумладан, Kun.uz ва Daryo.uz унинг уйида тинтув ўтказилганда 3 миллион доллар нақд пул топилгани ҳақида хабар берди. Бироқ кейинчалик юқоридаги ОАВлар ушбу маълумотни материалдан олиб ташлаган.
